如果脂肪可以同錢一樣消失咁快，世界一定好快樂！

如果錢可以同脂肪一樣長期囤積，世界一定好幸福！

如果脂肪可以換錢，世界一定好快樂幸福！

(1) 披着綿羊皮的古惑狼

話說小紅帽有日去探佢紅梅婆婆既途中遇上一隻綿羊，小紅帽覺得隻綿羊好古怪，皆因佢有條唔屬於羊既狼尾巴，假如你係小紅帽，你會點做呢？

A. 「吓，仲唔俾我踢爆你，你咪係古惑狼囉，你估你着件CHEAP CHEAP FUR我就認你唔到喇？」

B. 仍然堅信對方係羊，仲要走埋去大大力咁"DUM"佢條尾一腳，睇吓佢會唔會返咬自己一口，然後流住血咁走。

C. 心知你條古惑狼扮哂羊，咪又你扮囉，最緊要自己心知肚明，只要你唔搞我，我做乜事要揭穿你？

揀A者，乃少不更事；

揀B者，乃過份幼稚；

揀C者，深明處世之道乎？

(2) 冚蓋的屎桶

話說揸牛奶既小姑娘發現咗一個理應係裝牛奶木桶竟然發出陣陣臭味，呢股味仲要要同米田共有99.9%相似，假如你係牛奶妹，你又會點做呢？

A. 打個個屎桶蓋，仲要大大聲咁話：「邊個啲屎咁X臭？」

B. 唔信個桶裝住既係屎，仲要伸個頭落去係咁索，結果搞到自己一身都係屎。

C. 既然聞到臭梗係第一時間彈開，知佢係屎仲唔夠，仲要使特登哄個頭去個屎桶到？

揀A者，乃少不更事；

揀B者，乃過份幼稚；

揀C者，深明處世之道乎？